يا مصري قوم أشتري المصري

عارفين يا أهل بلوجر لوعايزين فعلاً تدعموا إقتصاد بلدنا سيبوكوا من الهلس بتاع عمرو وأخوه عماد أديب ده، متشتروش من المحلات الكبيرة ولا الماركات الجامدة، اشتري من البقال اللي على أول الشارع وجيب قلم سنون من الخردواتي اللي في العمارة اللي جنبك، واشتري جرجير من الست اللي فارشة على الناصية، ومناديل وبسكوت لوكس من الراجل اللي قاعد متكتك من البرد على أول النفق.

وياريت تروحوا تكلوا عند المحلات العادية، اللي طول الوقت سامعين انها جامدة بس عمركم ما روحتوها،طب أقولكم قوموااتصلوا بنجار وسباك وكهربائي يصلحلكوا الحاجات اللي بايظة في شقة المصيف ومكسلين تعملوها، وياريت تركنوا عربياتكم وخدوا تاكسي ومشروع أو خدوها تمشيه وبالمرة تشموا شوية هواء.

يا جماعة كارفور ومترو وألفا وماري لوي مش هيفلسوا لو مرحتش تشتري من عندهم، لكن كل واجد من الناس دول ممكن ينام من غير عشا، ده لو كانوا اتغدوا أصلا.

ترويها لكم بمودة شوشو

عَلَمَنِي أبِي الحُـب، وعَلَمَتنِي أُمِي القِرآءَة، وفَطَرني ربِي عَلى حُب الجَمالْ...