وضـاع حلـم السنيـن

وضـاع حلـم السنيـن
 

تعبانه انا مش حمل جرح
تعبانه انا بتمنى فرح
تعبانه انا وحكايتي حكاية
تعبانه انا ودي عاوزة شرح

حدوتة وابتديناها وعشنا فيها
حدوتة مالناش نصيب نحكيها
حدوته وقررنا بايدينا ننهيا
حدوته كان نفسي لولادي اغنيها

يا ما دوبنا وقلنا كلام كتير احلام
يا ما عشنا وشوفنا بيتنا هناك قدام
يا ما غرقنا في حب وشوق وغرام
ياما خفنا تكون كلام وعود اوهام

كان نفسي بس في حنيه حضنه
افضل معاه واكون جمبه
اسهر له وانادي بحبه
اسرح بعيد وقلبي يروحله

انتهت احلى حكاية
واتقفلت احلى رواية
ونزلت كلمة نهاية
في عز حلاوة البداية

وتاهت رجيلنا تاني على فين رايحين
تاهت اجمل معاني وضاع حلم السنين

ترويها لكم بمودة شوشو

عَلَمَنِي أبِي الحُـب، وعَلَمَتنِي أُمِي القِرآءَة، وفَطَرني ربِي عَلى حُب الجَمالْ...