يا أهالي مصر المحروسة، نداء من واحدة مفروسة، حد شاف يا ولاد الحلال رئيس وزراء ياته أسمه "أعتصام شرف"، عايزة أقوله الحالة وصلت لدرجة للقرف، الراجل عامل ودن من طين، والتانية من عجين، والبلد نازلة في مستنقع طين، وهو عايش في الغيبوبة، حد ياخوانا يفرقع جنبه أنبوبة، يمكن يفوق من الغفلة قبل فوات الأوان، ويقوله البلد بتضيع يا مان، والأنتخابات على الأبواب، والعيشة بقت هباب في هباب، أصله كان من شهور عامل فيها "عنتر بن شداد"، واقف في الميدان، وجنبه كل الشعب الغلبان، اللي وصلوا للغليان، فوعدهم إنه ينصفهم علي طول الزمان، صدقوه وأصبح رمز للشجعان، يا تري أين هو الآن؟، وهل ذهبت وعوده إلي طي النسيان؟، أرجوك ياسي "أعتصام" أظهر وبان عليك الأمان، ولا يعني لازم الميدان يرجع مليان ؟!...
ترويها لكم بمودة شوشو
عَلَمَنِي أبِي الحُـب، وعَلَمَتنِي أُمِي القِرآءَة، وفَطَرني ربِي عَلى حُب الجَمالْ...
0 ♥ رأيك يهمني ..~:
إرسال تعليق