فى حالة توهان ...
عن ناس حبتهم وحبونى
ناس غصب عنى وعنهم جرحونى
ناس بإسم الحب ظلمونى
ومن غير ما يدروا جوايا توهونى
كل ما أداوى جروحى ، ترجع تألمنى تانى
كل ما برجع لروحى، بتوه وأنا فى مكانى
بتوه عن نفسى، عن حلمى، عن كيانى
بتوه عن قلبى ، عن عمرى عن زمانى
وتايهة أنا
ولا الناس هما اللى تاهوا منى؟
عارفه مكانى ولا حبايبى عارفينى؟
فاكرة زمانى ولا زمانى هو اللى مستنى؟
عاشقه كيانى ولا كيانى هرب منى؟
وتايهة أنا ولا تاهت بيا الأماكن؟
وفرح ولا حزن فى قلبى ساكن؟
وعايشة ... أيوه
لكن أحلام ولا أحزان مستنيانى؟
وتايهة أنا جوايا ولا بعيد عنى؟
وقلبى بشوق ولهفة مستنى؟
الحب يجى من غير ما يألمنى؟
ويصالحنى على زمانى؟
فى حالة توهان ...
من قسوه الزمان ولا من الحبايب؟

ترويها لكم بمودة شوشو

عَلَمَنِي أبِي الحُـب، وعَلَمَتنِي أُمِي القِرآءَة، وفَطَرني ربِي عَلى حُب الجَمالْ...